MÚSICA

Hoxe tivemos a visita dos mestres da ESCOLA MUNICIPAL DE MÚSICA DE PONTECESURES, que comeza as súas andainas este curso, e achegáronse ata o cole para espertar nos alumnos o "gusanillo" da música. 

Mostráronlle @s alumn@s  os INSTRUMENTOS que poderían aprender a tocar, interpretando con cada un unha peza musical recoñecible por todos. 

Saxo, frauta traveseira, clarinete, guitarra, acordeón, piano e batería. 

Para rematar interpretaron varias pezas coas que @s nen@s se animaron a acompañalos cantando os retrousos.

Moitas grazas aos mestres da escola municipal de música por agasallarnos con este ratiño de calidade musical!  

Os que queirades, animádevos e apuntádevos!

QUE É?

Hoxe, en CIENCIAS NATURAIS, dentro dunha reixa, había algo...  Algo que @s alumn@s deben identificar.

Achegáronse á reixa, tocaron, observaron con atención, fixándonse en cada detalle: tamaño, cor, textura, forma na parte de arriba e de abaixo...  calquera característica que lle puidese axudar na búsqueda

Para traballar a competencia clave de "APRENDER A APRENDER", ao longo do curso, será habitual que aparezan "cousas" na aula, sobre as que terán que investigar e buscar información.

APRENDENDO A "FACER EQUIPO"...

Este curo o TRABALLO EN EQUIPO estará moi presente... 

Este curso, a distribución dos pupitres na aula xa deixaba entrever que apostábamos polo traballo en equipo, onde os seus membros colaborarán e traballaran xuntos para poder axudarse e  beneficiarse os uns dos outros.

Con esto pretendo que cada nen@ aporte o seu gran de area para que o traballo en equipo permita os mellores resultados; xa que cando se traballa en equipo dun modo eficaz os esforzos dos seus membros poténcianse, diminue o tempo de acción e aumenta a eficacia dos resultados.  

O traballo en equipo é beneficioso por múltiples razóns:

* Favorece a creatividade e a aprendizaxe: deben deixar o egocentrismo de lado para escoitar diferentes puntos de vista, beneficiándose deles e aprendendo.

* Mestura de talentos e ideas diversas: que contribuen é abrir a mente e unir forzas.

* Reduce o estrés: xa que se reparten as tarefas e o peso recae en todo o grupo.

* Mellora a efectividade, o desempeño e a productividade: xa que cada membro aporta o mellor de si mesmo, o que mellor sabe facer ó tempo que se beneficia das capacidades dos demais.   

O bo traballo en equipo conséguese cas "5 C": 

* Comunicación

* Coordinación

* Complementariedade

* Confianza

* Compromiso

Deste xeito, para potenciar o traballo en equipo, teño que conseguir, a través das diferentes actividades e tarefas que realicemos, que creen o sentimento de pertenza ó grupo. Que entre todos os membros construan un vínculo de confianza. Vai a ser moi importante impulsar a comunicación para que cheguen ó entedendemento e facerlles ver o beneficioso que é a diversidade. Deben asumir reponsabilidades compartidas, compromiso mutuo e saber celebrar os éxitos do equipo e aprender dos tropezos. 

Ademais de todos os aspectos citados anteriormente, que abalan os beneficios do traballo en equipo preparaos para o seu futuro laboral, xa que a gran maioría de traballos, requiren traballar en equipo.

A primeira toma de contacto co traballo en equipo, será cun PROXECTO sobre A NUTRICIÓN , que levaremos a cabo na materia de CIENCIAS NATURAIS. 

Establecidos os equipos, o primeiro... poñerlle nome!

Para realizar o proxecto, dividimos a nutrición en catro:

* Aparello DIXESTIVO

* Aparello RESPIRATORIO

* Aparello EXCRETOR

* Sistema NERVIOSO

Unha "man inocente" de cada equipo, elexiu unha papeleta ao azár, para ver que parte do proxecto deberían realizar.

A partir da semana que ven, comezarán a traballar en equipo nas sesións de naturais. O primeiro que deben facer, durante estos días, é a BÚSQUEDA DA INFORMACIÓN.

Sobre ela comezarán a traballar para realizar a EXPOSICIÓN ORAL (parte final do proxecto), pero para chegar a ela, queda moito traballo: preparar a información, realizar murais, maquetas, preparar exemplos prácticos...

@s alumn@s verdadeiros protagonistas da súa aprendizaxe!

Todo iso... iréivolo contando...

EQUIPOS E.F.

Durante este curso académico, nas clases de E.F., realizaremos multitude de actividades en EQUIPO, por iso, durante estos primeiros días formamos os EQUIPOS DO 1º TRIMESTRE.

* Dependendo do número de alumnos de cada clase, o número de equipos e de compoñentes varia. 

O primerio que realizamos, foi un xogo de eliminación para así seleccionar as CAPITANAS/CAPITÁNS dos equipos. O xogo en cuestión foi o dos AROS MUSICAIS (unha variante das "sillas musicais", que seguramente todos coñecedes e xogáchedes nalgún momento).

Elexidos as CAPITANAS/CAPITÁNS, cada un, elexiu libremente os membros do seu equipo, seguindo unha única norma: a paridade, deste xeito, o número de nenas e nenos, debería estar compensado dentro de cada equipo.

Os EQUIPOS de E.F. deste 1º TRIMESTRE son:

EDUCACIÓN FÍSICA

Durante esta primeira semán, tocou recibir a todos os grupos e mostrarlles as norams e rutinas que imos a seguir en E.F. durante este curso.

O primeiro, foi aclarar o nome da materia, xa que moitos rapaces, equivocadamente, chámanlle XIMNASIA, posto que tradicionalmente así era nomeada, pero debñemoslle chamas a cada cousa polo seu nome.

Segundo o Diccionario da RAE, a XIMNASIA é a arte de desenvolver, fortalecer e dar flexibilidade ao corpo por medio de certos exercicos; existindo 3 tipos de ximnasia: artística, rítmica e sueca. 

Mentres que a EDUCACIÓN FÍSICA engloba moitas máis cousas. É un concepto moito máis amplo, posto que se trata dunha ferramenta pedagóxica que serve para acadar a educación integral da persoa nos diferentes ámbitos da vida; (afectivo, social, motor, cognitivo...) empregando o corpo e o movemento para mellorar a saúde e a calidade de vida.  

Dende as clases de ximnasio de hai anos a educación física evolucionou moitísimo. Agora a condición física, a saúde, os xogos, os deportes e a expresión corporal abarcan un gran abano de propostas para que @ alumn@ pense, practique e valore aprendendo e divertíndose. Todo isto inclúe a superación, a autoestima, aprender a coidarse, sentirse mellor e crecer persoalmente. 

Deste xeito, entendemos a E.F. como educación a través da experimentación corporal. 

Este curso, gustaríame conseguir, que tod@s @s alumn@s, valoren a materia de E.F. equiparándoa en valor, ás demais materias.

A primeira toma de contacto, realizámola cun elemento que, sen importar a idade, encántalle a tod@s @s nen@s... o PARACAÍDAS!

Con este material pretendía traballar diferentes aspectos:

* Primeiramente, que se divirtan e leven un bo sabor de boca da materia. 

* Que valoren a importancia da cooperación, o traballo en equipo e a coordinción para poder realizar a actividade (esta, e moitas outras). 

* Ademáis, aporta múltitude de beneficios: é un xogo non competitivo, fomenta a espera de turnos e o intercambio, reforza a parte superior do torso, desenvolve un bo sentido do ritmo , refina as habilidades preceptuais, promove a interacción social e a mellora da linguaxe.

* Tamén axuda á "presentación" de alumnado novo no grupo-clase, pois con el podemos facer unha gran variedade de xogos.

Esta semana probamos con varios, e o resultado foi xenial, xa que disfrutaron enormemente. 

Vídeo GUÍA DE COMPORTAMENTO 6º

GUÍA DE COMPORTAMENTO 6º

A escola está orientada cara a formación integral dos alumnos e a preparación dos mesmos para a vida en sociedade; de feito, a aula en si, o grupo clase, é un modelo social, no que os nenos van poñéndose a proba e preparándose para o futuro: día a día cos compañeiros, convivencia, relacións interpersoais, conflitos diarios...

A medida que medran, estas relacións entre iguais “complícanse”, xa que empezan a entrar en xogo novos factores... que moitas veces levan a desatar que deixe de haber harmonía no grupo clase, afectando directamente no ambiente educativo.

Por isto, pareceume interesante, aproveitar estes primeiros días de curso, para traballar co meu grupo de 6º, a importancia de ter unhas normas ou directrices, na aula, para garantir ese ambiente educativo harmónico.

Como xa puidéchedes  comprobar, nunha publicación anterior, en grupo, puxémonos a elaborar, o que os propios alumnos nomearían como...

GUÍA DE COMPORTAMENTO 

para 6º

Para a elaboración da mesma, individualmente, fixeron aportacións coas normas que consideraban, que debían formar parte da mesma, para logo, en consenso grupal, analizalas, desenvolvelas, resumilas...

En equipo, redactaron e decoraron estas 13 directrices, para despois colocalas no “corcho” da nosa aula, e así telas presentes no día a día, para cumprilas.

Este é o resultado final... Que vos parece?

PSICOMOTRICIDADE e EDUCACIÓN FÍSICA

Posto que este curso, impartirei tamén as materias de Psicomotricidade e E.F., deíxovos aquí o HORARIO dos diferentes grupos:

PSICOMOTRICIDADE:

O día que lles corresponda, @s alumn@s deberán vir vestidos con roupa e calzado deportivo, e un par de tenis nunha mochila, para poder cambialos no ximnasio. (@s alumn@s de 3 anos, non terán que traer o par de tenis a maoires).

3 ANOS - Venres

4 ANOS -  Luns

5 ANOS - Venres

* As cazadoras, chaquetas de chándal..., a mochila, e os tenis, deben traer NOME. 

EDUCACIÓN FÍSICA:

Os día correspondentes, @s alumn@s deberán vir con roupa e calzado deportivo cómodo, e nunha mochila ou bolsa de deporte:

- un par de tenis

- unha camiseta 

- un paquete de toalliñas húmidas

para asearse ao rematar a actividade física.

* Prégovos que etiquetedes co NOME todo o que @s alumn@s traen ao ximnasio, para facilitar localizalo, en caso de que se estravíe ou de que o esquezan. 

1º E.P. - Luns e Xoves

2º E.P. -  Luns e Mércores

3º A E.P. - Xoves e Venres

3º B E.P. - Martes e Venres

4º E.P. - Luns e Mércores

* Ao longo dos primeiros días, facilitaréivos unha folla para que cubrades cos datos persoais, sobre @s alumn@s.

* @s alumn@s que teñan E.F. a última hora, os familiares que veñan a buscalos, deberán pasar a recollelos á porta do ximnasio. 

1º DÍA

Despois de moitos días de lecer hoxe tocou VOLVER AO COLE, para reencontrarse c@s compañeir@s e afrontar con ganas e ilusión o derradeiro curso de primaria...

Ás 9.05 da mañá, soaba o timbre e @s alumn@s, acompañados polas familias, agardaban nerviosos que @s titor@s saíran a buscalo:

* algúns, preocupados porque tocaba "mesturarse", e non sabían si se separarían d@s seus mellores amig@s.

* outros, sen saber nin que aula nin que mestr@ lle esperaba.

* e os de 6º, sabendo que era o primeiro paso cara o último curso de primaria. Unha etapa que comezaron hai 6 anos, e que este chegará á súa fin.

Hoxe daban os primeiros pasos cara esa recta final que terá lugar no mes de xuño... pero, aínda queda un longo camiño, cargado de novas aprendizaxes.

No que se refire @s alumn@s de 6º, o día comezou con algunha sorpresa: unha aula cun lavado de cara, buscando que sexa acolledora e motivadora, e novos mestres... Entre eles, eu, que afronto con moita ilusión e ganas, a titoría compartida deste curso.

Impartireilles as materias de LINGUA CASTELÁ, CIENCIAS NATURAIS e CIENCIAS SOCIAIS. Cun propósito común en ambas: que aprendan dun xeito divertido e motivador mentres el@s son @s protagonistas da súa aprendizaxe.

Hoxe, tivemos a “presentación oficial”, a pesar de coñecernos dende que estaban na etapa de Educación Infantil, na cal tiven sorte de darlles clase de música e psicomotricidade. 

Expliqueilles como ía ser a metodoloxía de traballo que quería seguir con eles e conxuntamente realizamos un listado de NORMAS a nivel grupo-clase, para propiciar un ambiente de aprendizaxe no que reine o compañeirismo e o respecto, algo fundamental, que non é doado a estas idades, pero si é imprescindible...

A man alzada, cada alumn@ ía dicindo unha norma, que consideraba importante, entre todos, analizámola para saber todo o que englobaba. Conseguimos facer unha Lista con 14 NORMAS, que mañá repasaremos e darémoslle unha volta, para de, maneira consensuada, transcribilas en equipo, e facer un mural, para que ocupen un lugar destacado nunha parede da nosa aula, para así telas presentes no día a día.

Mañá continuamos... cal será o resultado final?

Esta é a primeira instantánea do grupo de 6º de E.P.

A primeira de moitas...

VOLTA AO COLE!

Despois das merecidísimas VACACIÓNS DE VERÁN, chegou o momento da...

Hoxe damos comezo a un novo curso... 

BENVIDO

CURSO 2017*18

Espero que sexa un curso cargado de novas aprendizaxes, de grandes experiencias, de momentos incribles, de vivencias inolvidables ... 

Hoxe, xuntos, de novo, damos o primeiro paso para seguir medrando, vós como alumn@s e eu coma mestra...

Teño a sorte de poder seguir no meu centro "de referencia", o CPI DE PONTECESURES, un ano máis; pois a pesar de ter suprimida a praza que eu ocupaba como mestra definitiva, non quero desvincularme do que xa é "o meu cole". 

Inicio para min, unha nova etapa, diferente, pero moi interesante, por iso a afronto chea de ilusión, con ganas de seguir aprendendo e poñéndome a proba como docente; pois eu , como mestra sinto o deber, e a necesidade, de seguir aprendendo día a día, para ofrecerlle o mellor aos meus alumn@s.

Este curso A AULA DE BERE, será algo diferente... abarcará novos “campos”... xa que este curso serei a mestra PSICOMOTRICIDADE para o alumnado de Infantil, a mestra de EDUCACIÓN FÍSICA para os alumnos de 1º a 4º de Primaria, e compartirei a titoría de 6º de E.P. , impartindo as materias de LINGUA CASTELÁ, CIENCIAS NATURAIS e CIENCIAS SOCIAIS.

Os meus ideais e a miña metodoloxía, seguen sendo os mesmos, independentemente do curso, da idade ou da materia... aposto por unha educación globalizada na que o alumno sexa o protagonista da súa aprendizaxe.

Ao longo do curso, este blog, seguirá sendo unha ferramenta de comunicación entre a escola e a familia, un caderno de bitácora, que poderedes seguir, para sabelo todo sobre o proceso de aprendizaxe dos meus alumnos.