ENTROIDO 2018.19

Despois de quentar motores para o ENTROIDO, durante a semana, cos "mandados de meco", hoxe chegou un dos días máis esperados polxs pequechxs...

ENTROIDO FESTEIRO...

DISFRÁZATE ENTEIRO!

MANDADOS DO MECO

É tempo de ENTROIDO, e o CPI de Pontecesures contáxiase desta festa.

Este ano o noso Entroido ten como fío condutor O MAR, de xeito que os "MANDADOS DO MECO", para toda a semana deben gardar conexi´pn con esta temática:

LUNS: pon no pescozo algo fermoso.

MARTES: pon algo na testa que sexa de festa. 

MÉRCORES: pon anteollos nos teus fermosos ollos.

XOVES: entroido festeiro... DISFRÁZATE ENTEIRO!

VENRES: FESTA DE ENTROIDO!

Viva o ENTROIDO!

EXPERIMENTOS

Seguimos EXPERIMENTANDO...

Nesta ocasión, cada EQUIPO preparou un EXPERIMENTO sobre algún dos conceptos que estivemos traballando en CC. NATURAIS: masa, volume, densidade, flotación, propiedades dos sólidos-líquidos-gases...

VISCOSIDADE DOS LÍQUIDOS

FLOTACIÓN DO ALUMINIO

MASA

DENSIDADE – FLOTACIÓN

DENSIDADE

PROPIEDADES DOS LÍQUIDOS

ROMERO BRITTO

En PLÁSTICA, levamos varias semanas traballando un artista que ten un estilo moi peculiar:

 6. OUTUBRO. 1963

Racife – Estado de Pemambuco – BRASIL

É pintor, escultor e serígrafo.

Combina elementos do cubismo, arte pop e pintura de grafiti.

Emprega cores brillantes e arriscados patróns como expresión visual de esperanza e felicidade

Inspirámonos nas súas obras para realizar varios traballos, empregando diversos formatos, técnicas, materiais...

Este é o resultado:

OBRAS ARTÍSTICAS ALMUNADO DE 5º E.P.

CPI de Pontecesures – Curso 2018.19

* DEBUXOS con rotulador:

* MURAIS “DÍA DA PAZ” con papel charol e cinta illante:

* MODELADOS con masa branda:

TRABALLO EN EQUIPO: Paisaxes

En CC.SOCIAIS estivemos traballando as PAISAXES DE ESPAÑA.

Cada EQUIPO afanouse na elaboración dun traballo sobre unha das paisaxes transformadas que podemos atopar no noso país:

AGRARIAS, INDUSTRIAIS,

URBANAS e TURÍSTICAS

- Realizamos un sorteo para ver que paisaxe lle tocaba a cada equipo.

- Buscaron información, seleccionaron e resumiron os datos que máis se axustaban.

- Buscaron imaxes sobre a paisaxe.

- Elaboraron unha cartolina informativa na que plasmaron a información e pegaron as imaxes previamente seleccionadas.

- Por último realizaron unha pequena exposición ante xs demais compañeirxs.

CIENTÍFICOS TOLOS

Hai conceptos científicos que son demasiado “abstractos” e complicados para xs alumnxs. Cando en CC. NATURAIS comezamos a traballar este tema, sobre  A MATERIA, quixemos abordalo dende un enfoque totalmente práctico, a través de EXPERIENCIAS  e de EXPERIMENTOS, que nos permitían tomar contacto directo e “tanxible” a través dos 5 sentidos.

Abordamos conceptos como:

A MASA: empregamos unha báscula electrónica para pesar e comparar a masa de diversos obxectos.

O VOLUME: abordamos este concepto partindo da ´fábula do Rei Hierón, na que se relata como xurdiu o PRINCIPIO DE ARQÍMERDES.

Traballamos co concepto de capacidade: comparamos obxectos de diferente forma pero coa mesma capacidade.

Somerxemos obxectos en auga para observar como aumentaba o nivel e así calcular o volume en función da auga desprazada.

Despois de coñecer a masa e o volume, pasamos a falar da DENSIDADE (concepto que é complicado pola abstracción en si mesmo):

Calculamos a densidade dos obxectos cos que fixéramos as experiencias sobre a masa e o volume, empregando o datos rexistrados e realizando a división pertinente (a densidade calcúlase dividindo a masa polo volume).

Comparamos diversos obxectos segundo a súa densidade.

Pero ao falar de densidade, case obrigadamente, abordamos o concepto de FLOTACIÓN:

A auga é a principal substancia na que soen flotar os obxectos, por iso partimos da súa densidade para a partir dela, poder realizar as nosas hipóteses antes de comezar o experimento de flotación:

* DENSIDADE DA AUGA: 1g/ml

(pesamos e medimos diferentes cantidades de auga, para que viran a relación entre peso e volume, de xeito que a densidade sempre era a mesma

- A materia con maior densidade que auga AFUNDE.

- A materia con menor densidad que a auga FLOTA.

Fixemos as nosas “apostas”... e comprobamos, con sorpresas incluídas.

* Fixemos unha paradiña para falar sobre a flotación noutros líquidos diferentes ou incluso en gases.

Ao falar de flotación era “parada obrigada” cuestionarnos: por que flotan os barcos se están feitos de materiais máis pesados que a auga?

- Se facemos unha boliña de aluminio (presada) afunde, pero se á mesma masa de aluminio lle damos a forma de un bote, variando o seu volume e polo tanto a súa densidade, conseguimos que flote.

- Comprobamos que non so importa o PESO, senón  DENSIDADE!

Na natureza, a materia aparece en 3 ESTADOS:

SÓLIDO, LÍQUIDO e GAS.

Manipulamos diversos obxectos para comprobar as PROPIEDADES DOS SÓLIDOS: fraxilidade, flexibilidade, elasticidade, resistencia...

Para comprobar algunha das PROPIEDADES DOS LÍQUIDOS: viscosidade, volatilidade...

- Realizamos unha carreira entre aceite, xel, crema e lavalouza... de novo fixeron apostas sobre a “pole position”.

Para falar da PROPIEDADES DOS GASES traballamos con concepto de expansión e compresión, tendo en conta a peculiaridade dos materiais gasosos, xa que non teñen forma nin volume fixo, xa que tenden a ocupar todo o espazo que dispoñen adaptándose ao recipiente que os contén.

Despois desta sesión de “científicos tolos” agora cada equipo, deseñará e preparará un experimento no que abordarán algún dos conceptos traballados hoxe, e levarano a cabo para o resto de compañeiros.