UN ENTROIDO MARIÑO!

CHEGOU O GRAN DÍA!

O momento máis agardado por todo o alumnado e tamén polo profesorado e as familias...

A FESTA DE ENTROIDO!

Este ano, no CPI DE PONTECESURES, a temática do noso Entroido foi "O MAR"

Un ENTROIDO MARIÑEIRO no que non quixo faltar ninguén: calamares, esponxas, peixiños de cores, medusas, mariñeirxs, pingüíns, polbos, surfistas, hawaianas, piratas... ata narcotraficantes, baixo a atenta mirada da policía.

Aquí tedes un petisco da nosa festa... 

Ø OS CALAMARES da Gardería de Pontecesures, que abanearon os seus tentáculos e co seu baile conquistaron o corazón de todo o pavillón. 

Ø OS BOB´S ESPONXAS máis simpáticos e marchosos de todo o fondo mariño.

Ø UNS PEIXIÑOS DE CORES moi bailongos que moveron as súas escamas facendo bailar a todo o mundo.

Ø UNHAS MEDUSAS que conquistaron coas súas fermosas danzas deixando abraiadxs a todxs.

Ø UNS MARIÑEIRXS moi festeirxs e cun gran sentido do humor que encheron o “escenario” nun mar de risas ao son de bandas sonoras memorables.

Ø UNS PINGÜÍNS que moveron a súa coliña con moito ritmo.

Ø UNS POLBOS xunto cxs pulpeirxs que fixeron boa conta deles para facer unhas “talladas” deliciosas.

Ø UNS SURFISTAS que collían as olas que daba gusto mirar para elxs.

Ø UNHAS HAWAIANAS que co seu movemento de cadeiras hipnotizaron ao público, mentres intentaban escapar dunhas QUENLLAS moi perigosas.

Ø UNS PIRATAS que nos puxeron a pel de galiña co seu combate.

Ø UNS NARCOTRAFICANTES inspirados na recoñecida serie “Fariña”, que non foron quen de librarse da patrulla da POLICÍA.

* Durante estes días subirei ao blog os vídeos das actuacións.

VIVA O ENTROIDO!