Amosando publicacións coa etiqueta CC. SOCIAIS. Amosar todas as publicacións
Amosando publicacións coa etiqueta CC. SOCIAIS. Amosar todas as publicacións

mércores, 20 de febreiro de 2019

TRABALLO EN EQUIPO: Paisaxes


En CC.SOCIAIS estivemos traballando as PAISAXES DE ESPAÑA.
Cada EQUIPO afanouse na elaboración dun traballo sobre unha das paisaxes transformadas que podemos atopar no noso país:
AGRARIAS, INDUSTRIAIS,
URBANAS e TURÍSTICAS
- Realizamos un sorteo para ver que paisaxe lle tocaba a cada equipo.
- Buscaron información, seleccionaron e resumiron os datos que máis se axustaban.
- Buscaron imaxes sobre a paisaxe.
- Elaboraron unha cartolina informativa na que plasmaron a información e pegaron as imaxes previamente seleccionadas.
- Por último realizaron unha pequena exposición ante xs demais compañeirxs.






martes, 23 de outubro de 2018

CONCURSO POR EQUIPOS

Que mellor maneira de repasar antes de un exame que cun CONCURSO por equipos, de preguntas... 

Esta semana realizamos as primeiras probas escritas sobre o Tema 1, tanto de NATU como de SOCI. 

Para poder realizar un bo concurso, deben estudar, e a "competitividade" san, motiva a facelo...


Pensando a resposta, por si "caía algún rebote"...



luns, 15 de outubro de 2018

O UNIVERSO


O primeiro tema que abordamos dende CIENCIAS SOCIAIS foi...

 O UNIVERSO

Un tema, que de por si, soe suscitar interese no alumnado. A pesar de que xa coñecen moitas cousas e teñen moita información sobre o tema, de cursos anteriores, sempre aparecen curiosidades e datos novos que conseguen captar a atención dxs nenxs, convertendo O ESPAZO, nun tema motivador e abraiante.

Acudimos á BIBLIOTECA do centro para recompilar todos os libros relacionados co tema (tamén aproveitamos para coller libros sobre o tema traballado en ciencias naturais: o corpo humano). Estes libros, pasaron a formar parte da nosa biblioteca de aula, e empréganos na hora da lectura (20 minutos despois do recreo); e quedan a disposición do alumnado para consultalos sempre que precisen ou consideren.



Dende a antigüidade, o ser humano alzou a vista ao ceo, con afán de saber máis...  Comezamos a estudalo e aínda así, debido ao carácter infinito do universo, apenas coñecemos unha parte moi, moi pequena do mesmo.

Estudamos aspectos relacionados cos astros que conforman o universo: estrelas, galaxias, constelacións, cometas, meteoritos... e planetas, concretamente os do noso Sistema Solar.

Centrámonos na Terra, e descubrimos que é un planeta en capas, cada unha cunhas características propias.

Tamén traballamos cos movementos que fai o noso planeta, un concepto, un tanto “abstracto” para a mente dxs nenxs, pois, dende o noso punto de vista, parece que somos nos o que estamos quedos, mentres que é o resto do universo o que se move...

Por iso empregamos un técnica para intentar entender a rotación e translación da Terra... Xs propios nenxs asumiron o papel de Terra, Sol e Lúa!


Así tamén traballamos os eclipses: de Lúa e de Sol.



Como tarefa final, cada alumnx tivo que realizar unha “maqueta” sobre algún dos conceptos traballados no tema.

Explicaron ante os compañeiros, que representaba a súa maqueta e como a elaboraron.









Con todas as maquetas realizamos unha EXPOSICIÓN, titulada:

 SISTEMA SOLAR



Preparamos invitacións, e levámosllas xs compañeirxs dos diferentes niveis de primaria, para que se acheguen a vela.






luns, 9 de outubro de 2017

IDEAS PREVIAS

Antes de comezar calquera tema novo, facemos unha ASAMBLEA para ver cales son as IDEAS PREVIAS que teñen @s alumn@s sobre o mesmo, xa que estas determinarán o punto de partida.

Os coñecementos previos, xunto co que eles queren aprender (pregunta que abordamos xusto despois) é o eixe conductor do proceso de aprendizaxe, asegurando así que a motivación d@ alumn@ será maior e mellor. 

Se a todo isto, lle engadimos, que serán "investigadores" e partícipes activos de todo o proceso, conseguiremos que sexan verdadeiros protagonistas da súa aprendizaxe, conseguindo que non memoricen conceptos que rapidamenten pasarán ao esquecemento...