TRADICIÓN ORAL

Estes días festexamos no cole a

SEMANA DA TRADICIÓN ORAL

Por definición a TRADICIÓN ORAL é a forma de transmitir a cultura, a experiencia e as tradicións dunha sociedade a través de relatos, cantos, lendas, fábulas, contos, conxuros...

A TRADICIÓN ORAL é a nai de todos os textos. A literatura actual descende dos textos que correron de boca en boca entre os nosos antepasados. Na antigüidade, cando a gran maioría das persoas non sabían ler nin escribir, os feitos, acontecementos, historias... facíanse públicas e transmitíanse a través da oralidade.  Por este motivo, a transmisión oral podía distorsionar a realidade, xa que ao pasarse de boca en boca, a información podía sufrir variacións.

A TRADICIÓN ORAL transmítese de xeración en xeración ata os nosos días. A función primordial da tradición oral é conservar os coñecementos ancestrais a través dos tempos.

A TRADICIÓN ORAL foi a gran fonte de información para coñecer a historia e as costumes dos pobos. Na actualidade estamos a perder a tradición oral debido, en gran medida, ao influxo dos medios de comunicación, que tenden a diminuír a comunicación e a transmisión da cultura, e ás tecnoloxías, que son máis valoradas que as tradicións.

 

CASTELAO definiu perfectamente a importancia da tradición oral nas súas verbas: 

 

Na nosa aula, a tradición oral ocupa un lugar importante no quefacer cotiá e non só durante esta semana.

Traballamos con diferentes textos da tradición oral precisamente para apostar por coidar e perpetuar a nosa cultura.

Apostamos pola nosa lingua e polas nosas tradicións.

 Como nos atopamos no OUTONO, traballamos con cancións e refráns sobre esta época do ano.

Decidimos gravar un deles, e este é o resultado: