O MONSTRO DE CORES

Enténdese por EMOCIÓN o conxunto de reaccións orgánicas que experimenta un individuo cando responden a certos estímulos externos que lle permiten adaptarse a unha situación con respecto a unha persoa, obxecto, lugar...

A emoción caracterízase por ser unha alteración do ánimo de curta duración de maior intensidade que un sentimento.

 

 

A educación nunca é completa nin integral se deixa de lado un aspecto tan importante como a parte emocional.

 

En idades tan tempranas como as do meu alumnado, é complicado recoñecer e controlar as emocións, pero debemos traballar para identificalas, e pouco a pouco poder comprendelas e así xestionalas axeitadamente.

 

Durante este trimestre estivemos traballando co conto

O MONSTRO DE CORES

que se centra nas emocións fundamentais e básicas: ALEGRÍA, TRISTEZA, RABIA, MEDO, CALMA e AMOR.

 

Cada emoción é representada cunha cor e mesmo con expresións faciais facilmente recoñecibles.

 

O Monstro de Cores ten un lío feito coas súas emocións, e coa axuda da súa amiga ponlles orde metendo cada unha dentro do bote correspondente.

 

 

Despois de ler o conto, analizámolo e reflexionamos sobre cada emoción.

 

Realizamos varios faladoiros para verbalizar que cousas ou situacións nos facían sentir alegres, tristes, rabiosxs...

 

Plasmamos nun papel cada unha das nosas emocións:

Metemos os papeis das nosas emocións nos botes correspondentes (para poder telas a man cando nos fagan falta).

 

Na aula temos os nosos propios MONSTROS DE CORES feitos con depresores, custodiando e representando cada bote.

 

Cada alumnx fixo o seu propio LIBRIÑO DAS EMOCIÓNS composto polo monstro de cores e o s seus botes, onde cada peque pegou gomets da cor correspondente.

 

Non só traballamos sobre papel, ou falando, tamén expresamos a nosas emocións a través de xestos:

 Temos tan presente ao Monstro, que empregamos as súas cores habitualmente para verbalizar as nosas emocións en diversos momentos da xornada escolar.