PROPOSTAS INVERNO

Co 2º trimestre, comezou unha nova estación, e fixemos un faladoiro para saber cales eran as ideas previas do alumnado sobre o INVERNO, decidimos por unanimidade traballar os BONECOS DE NEVE e as FOLERPAS.  

Estas son algunhas das propostas que levamos a cabo:

* Debuxo inicial: COMO É UN BONECO DE NEVE?

* TROQUELADO de círculos e montaxe dun BONECO DE NEVE

* MODELADO de BONECOS DE NEVE con plastilina:

* Técnica de picado: BONECO DE NEVE PERSONALIZADO

* Pintando liñas horizontais con tempera e pincel empregando coleres fríos: PORTADA TRABALLOS 2º TRIMESTRE

* Taller de grafismos: FOLERPAS

* Mural pequeno grupo: CEO DE FOLERPAS

PROPOSTAS LÓXICO-MATEMÁTICA

Estas  son algunhas das PROPOSTAS que forman parte do noso recuncho de LÓXICO MATEMÁTICA.

* Cada vez que engadimos algunha proposta, primeiro presentámola e explicamos o seu funcionamento, para que así a poidan realizar da maneira máis autónoma posible. 

Acceden a elas de xeito individual ou en parellas (na que se apoian e traballas xuntos, enriquecéndose así mutuamente e producíndose a titoría entre iguais).

As propostas respectan as capacidades de cada cativ@ e buscan afianzar e avanzar nas habilidades matemáticas a través de xogos vivenciais e manipulativos, pois un dos lemas máis importantes da nosa aula é “aprender xogando e xogar aprendendo”.

 

·        Asociación número - cantidade.

·        Traballo da serie numérica e práctica da grafía.

·        Iniciación á suma.

     No día a día tamén aproveitamos diversos momentos e materiais para traballar conceptos matemáticos.

      Coas PEZAS SOLTAS tamén realizamos actividades de cuantificación.

 

    Cos BONECOS DA CASIÑA ÁRBORE clasificamos por tamaños e contamos. 

   Cos CUBIÑOS DE XEO, que normalmente empregamos para construcións, realizamos unha actividade de estimación:

-         Cantos cubiños pode haber en total? (decenas).

-         Separamos e clasificamos por cores.

-         Estimamos e apostamos a unha cantidade co seu nome.

-         Procedemos a contar.

ANIVERSARIOS FEBREIRO

 Cando chega o derradeiro venres do mes festexamos os ANIVERSARIOS do mesmo.

 

PARABÉNS a GISELA e a SARA, que xa teñen 5 aniños!

ENTROIDO

                 ENTROIDO NO CEIP DA RAMALLOSA!

Aquí, no concello de Teo, o entroido é unha celebración especial e agardada por tod@s, e mais despois destes anos de pandemia.

Este ano, o tema do noso ENTROIDO RAMALLOSEIRO xirou en torno ao PATRIMONIO: a cultura, a lingua, a sociedade... galega.

 

Comezamos a SEMANA DE ENTROIDO cos MANDADOS DO MECO:

 

Na páxina web do centro podedes ver os VÍDEOS das diversas actuacións que fixeron tod@s @s alumn@s o día da nosa GALA DE ENTROIDO ANTONIO FRAGUAS.

http://www.edu.xunta.gal/centros/ceipramallosa/

* Aquí vos deixo o enlace directo a nosa actuación: 

https://youtu.be/8ohaxtFccaQ

E Elaboramos conxuntamente a nosa MASCARA DE PANDEIRETEIRA para a decoración do pavillón o día da festa de entroido. 

·  Na aula, habilitamos un pequeno RECHUNCHO con prendas e artículos de entroido para que empregasen libremente para caracterizarse.

·        Tamén realizamos un taller de ANTEFACES.

Aproveitamos que o noso cole forma parte dun concello no que se preserva o entroido máis tradicional, e onde a figura dos XENERAIS DA ULLA, teñen especial relevancia. E así o quixemos representar trasladando parte de ese entroido ata a nosa escola.

De cara á gran festa de entroido (17.2.2023) no ciclo de Educación Infantil decantámonos por algo moi representativo do noso folclore, o TRAXE TRADICIONAL.

Apostamos por conxugar vangarda e tradición, pero sempre dende o agarimo e o respecto.

Tanto foi así, que para documentarnos, pedímoslle á asociación cultural A MÁMOA (de Luou) que acudise ao noso centro para mostrarnos e falarnos das diferentes prendas que conforman o noso traxe tradicional e tamén cal é a orixe do traxe e a diferenza entre os traxes de gala e de cotío de mulleres e homes.

CANDELORIA

 “CANDO A CANDELORIA CHORA

MEDIO INVERNO XA VAI FÓRA.

QUE CHORE, QUE DEIXE DE CHORAR

A METADE DO INVERNO ESTÁ POR PASAR”.

 

Que día tan fermoso para darlle un lugar destacado no noso quefacer cotiá.

Realizamos un FALADOIRO sobre este día, coñecemos varios refráns e analizámolos sinalando que a Candeloria sinala que xa pasou a metade do inverno e que a partires de aí a primavera estará máis próxima. 

Tamén falamos sobre o que iso significa para as aves: as aves que migran coa chegada do inverno por mor do frío e da escasez de alimento e volven cando comeza a primavera, o que supón un aumento das temperaturas e tamén que haxa máis comida por mor da floración.

Ademáis na Candeloria CASAN OS PAXARIÑ@S!

Como son aves? Como sería o seu casamento? Como podemos debuxalas?

ANIVERSARIOS XANEIRO

No mes de XANEIRO, tan só festexamos un ANIVERSARIO, o de MAURO PIÑEIRO, o primeiro en estrear  a idade de 5 ANOS.

PARABÉNS MAURO!

DÍA DA PAZ

Conmemoramos o DÍA DA PAZ:

Aproveitando que dende o 25N un dos lemas da nosa aula é "NON AO MALTRATO", partimos de esa idea para abordar a importancia de conseguir vivir nun MUNDO onde convivamos en PAZ: comezando polo contorno próximo, é facéndoo extensivo ao planeta. 

Fixemos un faladoiro onde debatemos e conversamos sobre a paz, partindo das súas ideas previas e reflexionado sobre o que ían plantexando.  

Todo o CEIP DA RAMALLOSA xuntos, cantando unha versión en galego da famosa canción "Imagine", mentres nos acompañaban ao ukelele @s alumn@s de 5º e 6º de E.P.

 

CONTACOMIGO

Na nosa aula o momento do CONTO, é algo especial. É o momento do día no que hai máxima atención e expectación. Pero sempre hai unha emoción engadida cando @ contacontos é alguén especial...

Neste caso, puidemos desfrutar de MAITE, mamá de Mauro Piñeiro, que veu á nosa aula para contarnos unha gran historia:

“OS TRES OSOS”

Un clásico que nunca pasa de moda, onde Riciños de Ouro aprende unha gran lección.

Ademais, sorprendeunos cuns agasallos moi especiais: uns marcapáxinas chulísimos!

Moitísimas grazas Maite, volve cando queiras!

 

·        E a todas as familias: agardamos a vosa visita, ANIMÁDEVOS!

SAÍDA: AFUNDACIÓN

No mes de xaneiro realizamos unha SAÍDA á Santiago de Compostela, onde nos agardaba un OBRADOIRO DE CREATIVADE.

Chegamos a AFUNDACIÓN e, para inspirarnos, desfrutamos dunha visita guiada polas diferentes salas para observar a creatividade d@s diferentes artistas que alí tiñan expostas as súas obras.

Despois de observar, conversar, e reflexionar... a nosa inspiración e creatividade fluíu no obradoiro. Entre luces e sombras deixamos saír @s artistaz@s que levamos dentro.

E ao rematar... de volta ao cole!

Un día xenial!