2 CRISÁLIDAS

Durante a fin de semana as nosas EIRUGAS sufriron varios cambios, que puidemos observar hoxe.

Tiñamos 7 EIRUGAS, das cales:

* 2 pasaron á fase de CRISÁLIDA, tamén chamada "pupa". É o momento no que a eiruga comeza a metamorfose (cambio de eiruga a bolboreta). 

Antes de pasar a crisálida, a eiruga suxeitase cun fio de seda, coma se fose un arnés ou cinturón, para así non caer. Tamén se fixa pola zona do ano. 

A cor das nosas crisálidas é verde con manchiñas amarelas.

* 1 está colocada para comezar a facela, estará mañán?

* 1 morreu.

* 3 seguen comendo fiuncho para seguir medrando antes de facer a crisálida.

Temos un DIARIO DE REXISTRO DE OBSERVACIÓN DAS EIRUGAS que iremos completando cos datos da nosa observación diaria. Pegaremos as fotos do proceso e os pequechos irán escribindo nel.

Cando remate o proceso colocarémolo fora da aula para que todas as familias poidades consultalo e miralo.