Hoxe chegaron á nosa aula uns bechos moi particulares e sorprendentes... unhas EIRUGAS.
Chegaron para que as coidemos e as observemos cada día para ver como van medrando ... Que acontecerá? canto tempo teremos que agardar?... Todas as nosas dúbidas irémolas despexando co paso dos días.
* Son eirugas de PAPILIO MACHAON. Teñen unha cor moi vistosa verde-amarela, con raias negras e puntiños laranxas.
Ademais de observalas, os pequechos animáronse a tocalas, con moito coidado. Puideron notar como se movían, a gran velocidade á que comen, que teñen as patiñas pegañentas...
* Alímentanse do FIUNCHO, unha pranta aromática que hoxe puidemos ver, tocar e ulir.
DATO CURIOSO: agora que estamos no outono, tempo de castañas, o fiuncho emprégase para cocer as castañas e darlle ese saber tan característico.
* Por favor NON lles ensinedes imaxes da bolboreta, para que sexa unha sorpresa para os pequechos e desfruten do proceso de matamorfose ao máximo.
Ningún comentario:
Publicar un comentario
Nota: só un membro deste blog pode publicar comentarios.