Hoxe durante a nosa exploración xa comezamos a falar dalgún froito do outono, pois cando nos achegamos ao castiñeiro vimos os ourizos dentro dos que están medrando as CASTAÑAS.
Pero á hora da MERENDA, ao ser mércores, día da froita, tamén falamos dunha que é típica nesta estación como é a MANDARINA, xa que varios pequechos trouxérona.
* ANDREA mostra unha madarina sen pelar, SARA unha pelada e IAGO ensínanos a súa fiambreira valeira, xa que tiña tanta fame que cando quixemos tomar a foto, xa a comera.
Falamos da súa cor, forma, que pertence á familia dos cítricos... Tocamos a pel e despois ulímola, pois ten un arrecendo moi agradable, de feito deixámola na aula nun pratiño, para que faga de "ambientador natural"
Durante o que dure esta estación, co paso dos días iremos descubrindo máis froitos...
Ningún comentario:
Publicar un comentario
Nota: só un membro deste blog pode publicar comentarios.