UVAS...

Algo moi representativo do comezo do OUTONO e sobretodo deste mes de SETEMBRO son as UVAS. Esta é época de VENDIMAS, recolectar as uvas para facer o viño. 

Galicia é unha terra con moita tradición no que se refire á uvas, e por iso me pareceu interesante achegarlles este tema aos pequechos.

Levei á aula uns cantos ACIOS DE UVAS para que os pequenos experimentasen en primeira persoa o proceso de elaboración do viño, pero adaptándoo.

Ensineilles varias fotos reais que quitei na aldea tanto á parra e as uvas (de diferentes clases), coma aos aparellos que se empregan neste proceso; pois a miña familia estaba en plena vendima.

Falamos de como é este proceso:

* O primeiro é vendimar, recolectar as uvas. Para iso córtanse os acios empregando tesoiras de podar e vanse depositando en cestos ou capachos.

* Cando todas as uvas están recolectadas hay que sacarlle o xugo. Antigamente facíase pisándoas, na actualidade empréganse máquinas especiais.

                    

* Ese primeiro líquido que se obtén é "zume de uva" ou mosto.

* Para conseguir o VIÑO, hai que deixalo repousar e fermentar durante un tempo nun pipote.

Nos decidimos facer ZUME DE UVA.

* Lavamos as uvas.

* Esmagámolas coas mans.

* Coámolas.

* Probamos o zume.

LAVAMOS AS UVAS

ESMAGÁMOLAS COAS MANS

 COÁMOLAS

PROBAMOS O ZUME

Aproveitando esta actividade realizamos unha acividade artística na que fixemos un ACIO DE UVAS estampando  con pintura as pegadas dos nosos dedos.