DÍA INTERNACIONAL DA POESÍA

A POESÍA é un xénero literario, a través do cal o ser humano foi quen de expresar pensamentos, sentimentos e emocións, empregando unha linguaxe chea de beleza, empregando recursos literarios como a prosa ou o verso.

“A poesía é cando unha emoción atopou o seu pensamento e o pensamento atopou palabras”.

Robert Frost

Dende que en 1999 a UNESCO proclamou o 21 de MARZO como o DÍA INTERNACIONAL DA POESÍA, vense conmemorando esta data, e o COVID-19 non ía facer que no 2020 non a celebráramos, eso si, dun xeito diferente, DENDE A CASA!

O obxectivo desta conmemoración é apoiar a diversidade lingüística e dar a oportunidade ás linguas ameazadas de ser un vehículo de comunicación artística nas súas respectivas comunidades.

Trátase tamén de promover a poesía como unha manifestación creativa da diversidade. A poesía contribúe á diversidade creativa ao cuestionar a forma na que empregamos as palabras e o noso xeito de percibir a realidade.

A poesía exprésase da maneiras diferentes e sutís e consegue comunicar cousas de modos diversos, obrigando ao lector a descubrir a esencia da mensaxe.

NA CASA DEBEMOS FICAR!

As escolas quedaron baleiras,

@s nen@s non saen a xogar.

Enmudeceron as rúas...

NA CASA DEBEMOS FICAR!

UN inimigo invisible

chegou para nós atacar

e só podemos facer unha cousa:

NA CASA DEBEMOS FICAR!

Tomemos isto en serio

para acabar co virus xa.

Non sexamos irresponsables...

NA CASA DEBEMOS FICAR!

Este inimigo virulento

contaxia sen avisar

e se queremos protexernos...

NA CASA DEBEMOS FICAR!

Berena F. T. (21.03.2020)

Aquí vos deixo as estrofas creadas polo alumnado do CPI Pontecesures para conmemorar este día:

POEMA COLECTIVO   #EUFICONACASA

O 21 de MARZO tamén se celebran:

- Día Internacional da Eliminación da Discriminación Racial

- Día Mundial do Síndrome de Down

- Día Internacional dos Bosques

- Día Internacional de Nowruz

- Día Europeo dos Arquivos

- Día Mundial da Marioneta

XUNTOS IMOS A PARAR AO VIRUS,

PERO, O VIRUS, NON NOS PARA A NÓS!