OLLO... TAREFAS ESCOLARES!

Levamos xa un par de semanas de CONFINAMENTO, cumprindo co deber de FICAR NA CASA para axudar a loitar contra o COVID-19.

E certo que o virus estanos poñendo a proba a todxs: ficar sen saír da casa (máis que para o estritamente necesario),entre as “4 paredes” dun espazo reducido que cada día parece que mingua e a rutina nos vai consumindo.

A isto súmanselle as preocupacións: medo po non contraer o virus e que non o “pillen” os nosos seres queridos, melancolía por estar lonxe de familiares e amigos que botamos de menos, incerteza ante o panorama laboral e o escolar...

Por iso é preciso que nos carguemos de positivismo, de forza e ánimo para afrontar o que queda por diante. Non sabemos canto durará, e non podemos obsesionarnos, pois é algo que se escapa do noso control.

Que podemos facer agora que dispoñemos de todo o TEMPO do mundo?

Pois aproveitalo. Aproveitalo ao máximo!

As TAREFAS ESCOLARES, están pensadas para que o alumnado continúe traballando no día a día, pero... tendo en conta a situación excepcional que estamos vivindo.

Non se trata de saturar todo o tempo, do que dispoñen agora xs nenxs, con actividades escolares. É necesario que dediquen un tempo (que debe variar en función da idade) á parte educativa, pero sen que se sintan desbordados, nin elxs nin vós.

Estipulade un horario de luns a venres, para que se converta nunha rutina coa que eles xa conten e forme parte do seu día a día. En ningún caso podemos pretender que sexa o mesmo horario que tiñan xornada lectiva na escola, pois non estamos nas mesmas condicións. Trátase de que traballen dentro das súas posibilidades pero non que vivan o confinamento baixo o estrés das tarefas escolares.

Haberá días de esgotamento mental (e físico), de “inapetencia” ante as tarefas, de estrés emocional pola situación (xa levamos moitos días confinados, se para os adultos é duro... poñédevos no seu lugar). Non pasa nada porque non traballen un día, ou porque fagan algo menos do estipulado... NON PASA NADA!

* Cabe resaltar, que unha cousa é entender a pegada que deixa o confinamento nos cativos e no seu rendemento puntual e outra é cando a vagancia se apodera deles e non queren facer nada, ningún día... distingamos!

Sexamos sensatxs e realistas: ficando na casa nin xs mestrxs nin as familias podemos pretender que sigan o ritmo que levábamos no cole. Partindo disto, reflexionemos e tomemos o confinamento como o que é: unha situación excepcional que vivimxs TODXS, por mor dun estado de alarma xerado pola pandemia do coronavirus.

Polo tanto, que traballen na casa? SI, pero tendo en conta toda a letra pequena da que vos falei antes. Respectade o estado de ánimo dxs pequenxs, nos os presionedes nin os angustiedes coas tarefas, axudádelle con dúbidas que poidan xurdir, pero facilitade a súa autonomía na realización das mesmas...

Hai moitas cousas que xs nenxs poden facer (fóra das actividades escolares) que son igual de educativas e que, por momentos, resultaranlle máis motivadoras e atractivas.

O tempo en familia é un tesouro, do que moitas veces non podemos desfrutar. Saquémoslle a parte positiva a este confinamento, e aproveitemos este agasallo en forma de tempo, do que agora dispoñemos: conversade, bailade ata caer rendidos, cantade as vosas cancións favoritas a coro, gravádevos para despois reproducir eses momentos e rirvos xuntos ata que vos doia a barriga, sacádelle o po aos xogos de mesa que levaban tempo gardados, botádelle algunha partidiña ás cartas, gozade de sesións de cine familiar no sofá con mantiña e flocos de millo... e XOGADE! Algún adulto quizais se esqueceu de xogar, pero tedes ao voso carón a un gran experto que vos pode ensinar!

* Está xenial pasar tempo en familia, pero tamén é importante que cada membro da familia dispoña de tempo libre, par desfrutar da soidade. Para xs máis pequenxs, as veces é difícil o de estar sos, máis, e algo beneficioso e necesario. Grazas ao aburrimento agudízase a imaxinación, brota a creatividade... 

A aprendizaxe non trata só de conceptos recollidos nun libro de texto. A aprendizaxe vai tamén de emocións, de valores, de sensacións, de reflexións... e esta é unha sensación extraordinaria para aprender moito dela.

O estado de alarma pasará, non sabemos canto durará e debemos estar preparados. Pasará, cedo ou tarde, pero pasará! E volveremos paseniño ao noso quefacer cotián!

XUNTOS IMOS PARAR AO VIRUS,

PERO, O VIRUS, NON NOS PARA A NÓS!