TULIPÁNS

HIWOT trouxo bulbos de TULIPÁN xunto con macetas e terra para plantar na aula.

Xa que este curso a natureza en xeral e as plantas en particular forman unha parte importante da nosa programación, encántanos recibir aportacións das familias neste terreo, xa que ao sentirse protagonistas, para @s nen@s a motivación cara a aprendizaxe é maior. 

Os tulipáns son típicos de HOLANDA, un país pertencente a Europa, igual que o noso. 

Teñen a peculiaridade de ser plantas bulbosas (almacenan os nutrintes en estructuras subterráneas).

Primeiro observamos detidamente unha pequena etiqueta con información sobre os bulbos:

* Profundidade para plantar os bulbos: 15 cm

* Separación entre cada bulbo: 8 cm

* Posición de plantado: a parte máis ancha e redondeada cara abaixo, por onde sairán as raices, a parte máis "picuda", cara arriba, por onde xermolará a planta. 

* Época de plantado: de setembro a decembro.

* Época de "nacemento": primavera.

Unha vez asimilada toda a información, puxémonos a PLANTAR:

* Encher as macetas de terra.

* Medir a sepación entre cada bulbo.

* Facer os buratiños e plantar os bulbos.

* Tapar con terra.

* Regar.

* Trasladar as macetas ao exterior.

Seguiremos o proceso de crecemento destos bulbos e pescudaremos algunha planta máis que medra a partir de bulbos. 

Moitas grazas a Hiwot e á súa familia por todo!