DÍA DO LIBRO: LE!

23 + ABRIL + 2020

DÍA DO LIBRO

  v  “A LECTURA é á mente o que o exercicio ao corpo”. Joseph Addison

  v “Hai grandes LIBROS no mundo, e grandes mundos nos libros”. Anónimo

  v“Un LIBRO é un agasallo que podes abrir  unha e outra vez”. Garrison Keillor

  v “O que ama a LECTURA, ten todo ao seu alcance”. William Godwin

  v “Hai máis tesouros nos libros que en todo o botín da Illa do Tesouro”. Walt Disney

  v “Un LIBRO é a arma máis afectiva contra a intolerancia e a ignorancia”. Lyndon Baines Johnson

v “ Non hai substituto para os LIBROS na vida dun neno”. May Ellen Chase

v  

v “Un LECTOR vive mil vidas antes de morrer. O que nunca le só vive unha”. George R. R. Martin

v “Pensa antes de falar. LE antes de pensar”. Fran Lebowitz

v “Os LIBROS son as abellas que levan o pole dunha intelixencia a outra”. Voltaire

Podería seguir escribindo durante todo o día, e aínda así non remataría de plasmar sobre esta publicación todas as frases que as persoas, máis ou menos coñecidas, lle dedican aos LIBROS e a lectura.

Creo que queda de manifesto a importancia que a LECTURA ten na vida, non só dxs máis pequenxs, senón de todas as persoas.

HOXE conmemoramos o DÍA DO LIBRO, non obstante, TODOS OS DÍAS do ano deberíamos convivir “man a man” cos libros para enriquecernos e nutrirnos dos saberes que se esconden entre as súas páxinas.

Estamos atravesando un momento duro para todxs. Xa levamos moitos días de CONFINAMENTO, e a LECTURA pode ser unha vía de escape da rutina. Os LIBROS son o refuxio para “matar” o TEMPO (que agora temos).  Aproveitémolo!

v “Os LIBROS son o avión, o tren, o camiño. Son o destino e a viaxe, Son o fogar”. Anna Quindlen

Se non sabes que facer, LE!

Se estás aburridx, LE!

Se estás triste, LE!

Se estás ledo, LE!

Se tes fame, de coñecemento, LE!

Se queres aprender, LE!

Se queres viaxar sen moverte da casa, LE!

Se precisas coñecer novos mundos, LE!

Se queres ser libre, LE!

Se queres vivir, LE!

Pase o que pase, LE!

Esteas como esteas, LE!

Fagas o que fagas, LE!

Simplemente... LE!

“Non era FADA nen PRINCESA”, nin pretendía selo. Empapábase de cada PALABRA na súa lingua, percorrendo o ABECEDARIO completo, buscando a sabedoría precisa para loitar contra as inxustizas e ter liberdade de pensamento para non deixarse levar...

Xa atopara os INGREDIENTES perfectos para cociñar a mellor RECEITA contra a ignorancia... OS LIBROS!

Dáballe igual de cal se tratase. Canto máis diferentes mellor. Mergullarse nun LIBRO supoñía meterse na pel dun personaxe diferente cada vez.

AGOCHÁBASE entre as súas páxinas para que ninguén a atopase, e todxs se preguntaban... ONDE ESTÁ?

Vivía AMORES imposibles, que na vida real xamais se producirían e REGAÑABA OS DENTES mentres descubría cada historia.

Cada vez que abría a páxina dun novo libro, poñía en marcha o MOTOR para rodar sobre cada verba escrita e deixarse levar... VOAR de páxina en páxina e NAVEGAR surcando os sete mares.

Era cousa de MAXIA! Abría un libro e... chas! “teletransportábase” a un novo lugar nunca antes visitado.

Levaba sempre ben abertos os OLLOS, para non perder detalle de nada... e MORDÍA cada frase para extraerlle todos os “nutrintes” que contiña.

En definitiva, ela... ERA LETORA!

* Con todo o meu agarimo para o ALUMNADO do CPI Pontecesures. 

Berena Fontela Turnes

(23.04.2020)