FIN DE CURSO

E chegou o gran día... O ÚLTIMO DÍA DE COLE! Pouquiño a pouco e case sen decatarnos pasou o curso.

Para despedilo todo o CEIP das FONTIÑAS realizamos a XVII CARREIRA PEDESTRE.

Os pequech@s chegaron ó cole coas pilas cargadas. "Enfundamos" as camisolas que personalizamos a semana pasada para correr neste gran día.

Puxemos as gorras e agardamos polo autobús que nos trasladou ata o estadio de San Lázaro.

Unha vez alí, agardamos a que chegaran todos os compañeir@s de primaria para poder comezar.

Corremos por orde dos menores ós maiores do cole.

PREPARADOS, LISTOS, XA...

Corremos con todas as nosas ganas, e ao chegar á meta recibimos felices a nosa recompensa:

Unha medalla polo esforzo e unha botella de auga para repoñer forzas.

Xa de regreso ao cole, realizamos unha merendola de despedida ao aire libre.

E despois a xogar!

O día rápido rematou e chegou o...

FIN DE CURSO

Unha gran aperta en grupo para despedirnos, bicos, e moita, moita emoción, que deron paso ás... VACACIÓNS

FELIZ VERÁN!