EQUIPOS E.F. 18.19

Dentro da miña metodoloxía de traballo na materia de E.F. o XOGO EN EQUIPO, ten un gran protagonismo. Durante as sesións hai momentos para todo tipo de actividades segundo o agrupamento: gran grupo, pequeno grupo, parellas, individual... e equipos!

Está comprobado que formar parte de un equipo fortalece a honestidade, establece disciplina, motiva a responsabilidade e xenera compromiso.

As actividades nas que se enfronten os equipos, deben ser formativas, lúdicas, motivadoras, chamativas, sorprendentes... de xeito que promovan unha competitividade san, sacando o mellor de cada compoñente do equipo.

En cada equipo, fomentarei o respecto: que todos os membros se sintan valiosos, que saiban recoñecer as súas posibilidades e limitacións e respecten as dos seus compañeirxs... Destacando que o máis importante é o proceso, a actividade en si, e non o resultado. Xs alumnxs deben aprender a gozar a pesar dos resultados numéricos.

“A FELICIDADE É UNHA ELECCIÓN,

NON UN RESULTADO.

NADA CHE FARÁ FELIZ

ATA QUE TI ELIXAS SER FELIZ”

É fundamental o “xogo limpo”, e tamén o saber gañar e saber perder... Na miña filosofía de ensinanza, a frase coa que remata cada actividade e a de “BEN XOGADO”, coa que os membros de cada equipo felicita xs compañeirxs, acompañado dunha aperta de mans.

Así, este curso 2018.19, traballarei con diferentes equipos, elixidos polo alumnado cada trimestre.

Xs capitanxs saen dun xogo de eliminación, neste caso, o xogo de CARA–CRUZ.

*  Xogo de atención e                     axilidade mental.

          Parten colocados en fila               mirando cara min.

Cando escoiten cara viraranse cara min, cando escoiten cruz, daranme as costas.

Para despistar: repetirei varias veces seguidas a mesma orde, modularei a voz elevándoa ou baixándoa...

Cada capitanx irá elexindo os mebros do seu equipo de xeito ordenado, seguindo unha única premisa: que os equipos deben ser mixtos.

Estes son os EQUIPOS do primeiro trimestre: