GUÍA DE CONVIVENCIA

O alumnado de 5º de E.P. que non optou pola ensinanza da relixión, cursan a materia de VALORES SOCIAIS E CÍVICOS comigo.

Comezamos o curso analizando o nome peculiar desta materia... pois sen dúbida sabelo é fundamental.  

Empregamos un dicionario: 

“VALOR: Convicción profunda dos seres humanos que determinan a súa maneira de ser e orientan a súa conduta”.

(Os valores involucran os nosos sentimentos e emocións. Valores, actitudes e conduta están intimamente relacionados. De acordo coas súas experiencias, cada persoa constrúe un sentido propio dos valores).

“SOCIAL: relativo ou pertencente á unha sociedade”.

(Unha sociedade é unha forma de organización característica do ser humano e de certos animais, que consiste en agrupacións de individuos entre os que se establecen relacións organizadas, ben por leis naturais, ben por medio de institucións, regras..)

“CÍVICO: relativo ao civismo”

(O civismo é a calidade do cidadán que cumpre cos seus deberes e responsabilidades como tal).

Unha vez analizado o nome da nosa materia, explicamos entre todos que entendemos polos Valores Sociais e Cívicos, intentado pescudar que temática seguirá a materia, que temas abordaremos, que aspectos da realidade e da actualidade son merecedores de prestarlles máis atención...

Para min, como mestra, penso que esta materia ten unha gran importancia para a formación dxs alumnxs, posto que é fundamental para a vida en sociedade: axudar a formar persoas cuns valores que engloben aspectos como o respecto, a tolerancia, a empatía, a igualdade, o saber comportarse...

Tendo todo isto en conta, e atopándonos no inicio do curso, o mellor punto de partida sería comezar por unha GUÍA DE CONVIVENCIA para o alumnado de 5º, feita polxs propixs alumnxs...

E así o fixeron... 

Xuntáronse e abriron unha mesa de debate na que foron redactando normas de comportamento na aula.

Redactáronas...

E, despois de varias sesións de traballo... 

Este é o resultado!