Hoxe o pai de CLAUDIA, veu a nosa aula a contarnos un conto moi especial, xa que nel falaba sobre o seu país natal: PERÚ.
Volvemos a buscar no noso mapa onde quedaba, pois xa o tiñamos marcado cun gomet vermello (coma todos os lugares sobre os que aprendemos algo).
Falamos deste país cando Claudia trouxo a mochila viaxeira ao cole. Ademais o seu pai hai poucos días regresou dunha viaxe polas súas terras.
O conto que nos contou foi "CHIMOC EN MACHU PICCHU" No que unha galiña xunto cun grupo de animais amigos dela, ían a Machu Picchu e como a galiña quería facer unha casa máis grande, quería levar as pedras de alí para construila...
Durante o conto fálasenos deste fermoso lugar construído polos INCAS que hoxe en día está entre as 7 maravillas do mundo.
Aproveitamos que estaba o pai de Claudia, para buscar imaxes sobre Machu Picchu e que nos contase algo da súa historia.
MOITÍSIMAS GRAZAS POR TODO!
Os pais de MAURO, un neno da clase de 5 anos da profe Marisa, viñeron a contar o conto de "EL PEZ ARCOIRIS"... con LUZ NEGRA!
Montaron unha escenografía chulísima na aula 1, e con toda a aula a escuras os pequech@s puideron gozar deste conto tan especial con esta fermosa posta en escea.
MOITÍSIMAS GRAZAS por deixarnos desfrutar do voso traballo e deste fermeso conto!
Ningún comentario:
Publicar un comentario
Nota: só un membro deste blog pode publicar comentarios.