Todos os días a medida que os pequech@s chegan ao cole e van entrando na aula, teñen a costume de coller a lupa e observar os nosos cullarapos.
E hoxe levamos unha sorpresa... un dos cullarapos que xa tiña as dúas patas traseiras, tiña tamén... 1 pata dianteira! Parece incrible, pero saíralle unha patiña soa, moi pequerrechiña, e ao outro lado o bultiño notabase moito.
Cal foi a nosa sorpresa, que a última hora da mañán volvimos a mirar, e xa lle saira a outra pata; xa tiña as 2 PATIÑAS DIANTEIRAS!
Neste momento, o CULLARAPO ten as patas traseiras máis longas, e as dianteiras pequerrechas, a cor é máis clara e os ollos máis saltóns; polo de agora a cola segue practicamente igual.
Esperemos que quede pouco para ver como se transforma definitivamente en ra!
Ningún comentario:
Publicar un comentario
Nota: só un membro deste blog pode publicar comentarios.