MALETA VIAXEIRA

Empezamos outra nova semana, e coma sempre volven á clase a maleta e o maletín.

* LARA trouxo de volta o MALETÍN DOS ANIMAIS, co álbum de cromos que tanto lle gustou e cun mónton de fotos da súa mascota, unha perriquita australiana chamada Lula (coma a nosa mascota de aula). 

Lula foi un agasallo que lles trouxo no Nadal Papá Noel, para ela e para o seu irmán Alex. Lara quedou encantada pois estaba desexando ter unha mascota. 

No libro das mascotas, ademáis, falounos un pouco dos coidados que precisan os periquitos: darlles sementes para comer, auga para beber e limparlles a xaula. 

Ademais contounos que Lula é moi alegre e que sempre está cantando.

Tamén nos recordou que hai que coidar e respetar a todos os animais. Ben falado Lara, tes toda a razón!

* ROI trouxo da súa casa a MALETA VIAXEIRA, para contarnos todo o que fixera con ela. Desfrutou da compaña de Lula e Manoliño, a quen levou á súa finca, a ver o porco e as galiñas dos seus avós e tamén ao médico. A Lula regaloulle uns tenis chulísimos, que lle quedaban xenial!

O conto "A que sabe a lúa?" gustoulle moito, e recordoulle a unha noite de lúa chea que saíu de paseo cos seus pais, na que atopou moitos animais: un ourizo, morcegos, cans, un raposo... 

Roi deixou voas a súa imaxinación e coa axuda da súa familia creou unha xoaniña moi especial: con corpo de aorodo, manchiñas con pepitas e cabeza de castaña. Tamén fixo un "Rollomoucho" cun rollo de papel e pintura. Trouxoo para o cole e puxémolo vixiando no moble da porta. Moi bo traballo!

De receita elaborou uns boliños que tivemos a sorte de probar e a verdade e que estaban deliciosos!

Moitísimas grazas Roi!

    

Hoxe é un día especial...

Pois a MALETA VIAXEIRA deixa de viaxar. Xa percorreu as casas de todos os nenos e nenas da clase. Agora Lula e Manoliño acompañarannos o que queda de curso na aula, e entre todos recordaremos todas as historias que viviron.

Traballaremos o conto de a a que sabe a lúa revivindo todas as versións que contaron os alumnos e as súas familas.

Recordaremos todos os animais inventados e as receitas elaboradas.

So me queda dar as grazas a todas as familias pola vosa colaboración. Por apioar e participar en cada proxecto ou idea que intento levar a cabo e que sen a vosa axuda non sería posibel.

MOITÍSIMAS GRAZAS!

EH! Pero o MALETÍN DOS ANIMAIS si que segue o seu camiño, e este semana viaxa á casa de LUCAS.