OBSERVANDO O SOL!

Durante a semana pasada estivemos traballando e aprendendo moitas cousas sobre o SOL, e unha desas cousas foi que NON PODEMOS MIRALO FIXAMENTE xa que nos pode mancar a vista, ata tal punto, que incluso nos podería provocar cegueira.

Pero hai algunha forma de poder observalo? Xa dixemos que as gafas de sol non valían, pero hai "filtros" especiais que nos permiten miralo, durante uns segundos.

IAGO, o venres, trouxo un deses filtros, un CRISTAL DE SOLDADOR (que son os que empregan os soldadores para protexer a vista cando teñen que soldar algo), insertado na tapa dunha caixa de zapatos.

* Este filtro é o mesmo que se emprega para poder observar os ECLIPSES.

Na aula falamos un pouco dese filtro e intentamos mirar a través del, pero... non se vía nada, todo negro, incluso facia un pouco efecto de espello e víamos reflexados os nosos propios ollos... funcionará fóra?

Como o día axudou, e estaba moi soleado e despexado, aproveitamos para observar o sol dende o patio.

Ao mirar a través do filtro, apreciamos unha pequena bola redondiña e de cor verde!... Si, verde! Eso é debido ao filtro.

* Moitísimas grazas á familia de IAGO por facilitarnos este filtro de soldador para poder observar o sol.

23.000 VISITAS!

Hoxe superamos as 23.000 VISITAS! E coma sempre, non podo esquecerme de agradecervos que día tras día entredes neste blog para saber como é o día a día na AULA DE BERE, pois este blog vai especialmete adicado aos meus pequechiños e as súas familias. 

23.000 GRAZAS!

CELEBRAMOS O DÍA DA PAZ

O DÍA DA PAZ celébrase o 30 DE XANEIRO pero como cadra a sábado, todos os alumnos do CEIP das FONTIÑAS fixemos unha pequena conmemoración simbólica.

Durante esta semana estivemos traballando este tema na aula, falando sobre a PAZ e o que significaba esta palabra para eles:

* Ser todos amigos.

* Non portarse mal.

* Estar contentos.

* Dar bicos e apertas.

* Estar tranquilos.

* Non xogar a matar.

* Non molestar.

* Non pelexar.

* Facer caricias.

* Non facer o mono.

* Non romper as cousas.

* Non tirar as pás aos nen@s.

* Non contar mentiras.

* Non rabuñar.

* Non pegar.

* Non morder.

* Non beliscar.

* Non pegar coa pelota na cara.

* Non portarse "requete-muy-mal".

* Non empurrar.

* Non sacar a lingua fora.

* Non ecupir.

* Non botarlle area aos compañeiros.

* Non facer burla.

* Non dar puñetazos.

Como vedes as súas respostas céntranse na súa experiencia diaria e no seu entorno próximo. De xeito que tamén intentamos ampliar esa definición para que enendesen o que significaba buscar a PAZ no noso planeta, a Terra, e en todo o espazo (relacionándoo así co proxecto que estamos levando a cabo).

* RESPETO polas diferenzas: de raza, de crenzas, de ideoloxías... IGUALDADE, TOLERANCIA!

*Rexeitar a VIOLENCIA como forma de impoñerse sobre as demais persoas. NON ás ARMAS, NON á GUERRA!

Tendo en conta todo o anterior, e seguindo a liña de traballo do noso proxecto, decidimos elaborar unha "ferramenta" para enviar ao espazo e mostrarlles que no noso planeta queremos a PAZ.

Despois de moito pensar, reflexionar, debatir, e barallar diversas opcións, chegamos a consenso e decidimos construir un satélite:

O SATÉLITE DA PAZ

Nós xa sábiamos que a Terra ten un satélite natural, que é a lúa, pero nas misións espaciais póñense satélites artificiais en órbita ao redor do planeta, como foi o Sputnik 1 (primeiro satélite artificial), o coñecido satélite Meteosat (que nos axuda a realizar as prediccións meteorolóxicas), os satélites de comunicación, de navegación, de energía solar... 

Buscamos imaxes na rede de diferentes satélites, e falamos das partes principais que os compoñen.

Nestas imaxes podedes observar como foi o proceso de elaboración do SATÉLITE DA PAZ:

Este é o resultado final:

Hoxe, no patio cuberto, xuntámonos todos os alumn@s de educación infantil (por niveis) para realizar o acto simbólico do día da Paz. Aquí estamos os de 4 anos:

No centro do patio esperaba o noso "COHETE DA PAZ" que durante esta semana elaboraron e pintaron todos os alumnos de educación infantil nun taller especial que realizou con eles a mestra Rocío.

Nese foguete deixamos o que cada clase elaborou para mandar a Paz ao espazo. Neste caso os alumnos de 4 anos B realizaron unha cámara de fotos cunha impresora, e nós, 4 anos A, enviamos o noso satélite. 

Despois subímos ao edificio de primaria, para formar a palabra PAZ e o seu símbolo. Todos o alumnado e profesorado participamos, aquí está a mostra cunha fotografía a vista de páxaro.

PINTAMOS O NOSO SOL

O outro día comezamos a realizar o noso SOL, para o cal empregamos un globo que cubrimos cun "mexunxe" de cola e auga e papel de cociña. 

Tivemos que deixalo secar durante varios días e hoxe comezamos a pintalo. A primeira capa será de cor amarelo.

Teremos que deixalo secar para o vindeiro día darlle uns toques de laranxa e vermello, e poder ver o resultado final.

LETRA A

O noso MURAL de cousas que comezan pola Letra A segue "medrando" e recibindo aportacións. Xa temos un montón de imaxes pegadas e cada día ocórresenos algunha palabra máis. (Intento traballar con eles a "fonética", entrenar o oido para que diferencien o son que producen as letras de cada palabra e que así, posteriormente, sexan capaces de "transcribilas")

Así de completo quedou o noso MURAL da A:

NOMES DOS NOSOS COMPAÑEIROS: Anxo Castro, Aroa, Álvaro, Andrea, Anxo Doval.

PALABRAS: Astronauta, Alieníxena, Avión, Avioneta, Adoquíns, Áncora, Armario, Avispa, Abella, Árbore, Ambientador, Abano, Arco da Vella, Anel, "Alemania", Avós, "Amapolas", Asno, Avestruz.

OS DOUS GRANDES PAISES QUE CONQUISTARON O ESPAZO

Na carreira espacial hai dous grandes paises que destacan tanto polas misións realizadas coma polas grandes hazañas que conseguiron: primeiro home en viaxar ao espazo, primeiro home en pisar a lúa... Estes dous países son ESTADOS UNIDOS e RUSIA.

Para saber onde quedaban empregamos un MAPA. Primeiro buscamos o país no que vivimos: ESPAÑA. Despois situamos E.E.U.U. e RUSIA. Tamén empregamos un globo terráqueo para situalos, xa que así é moito máis realista, xa que o noso planeta, a Terra, ten forma de esfera.

Fixámonos que non estamos no medio do dous, mirando o mapa, E.E.U.U. queda á nosa esquerda e Rusia á nosa dereita. 

Buscamos a súas bandeiras e comparámolas, para despois realizar unha actividade impresa na que recortamos as bandeiras e situámolas en cada país.

* Casualidades da vida, hoxe JONÁS traía unha sudadeira que na espalda tiña a bandeira de E.E.U.U. , e cando o pai de RAÚL veu a buscalo ao mediodía traía unha cazadora que tamén tiña esta bandeira!

O ESPAZO "INVADE" OS RECUNCHOS DA NOSA AULA...

Ademáis do Recuncho Informativo sobre o Espazo que montanos na aula e no corredoiro do cole, este tema está presente en máis recunchos da nosa aula. 

* No Recuncho da BIBLIOTECA incluimos libros con esta temática e colocamos como complemento o Recuncho da ESCURIDADE para poder obeservar el ler libro con tinta fosforescente e realizar porxeccción do espazo coa lanterna.

* No Recuncho do ORDENADOR temos diferentes recursos dixitais relacionados co tema (ademais de ser unha ferramenta de uso diario que empregamos para apoiar visual e auditivamente todo o que imos traballando).

* No Recuncho da CASIÑA-COCINIÑA sempre está presente o xogo simbólico coa representación de esceas da vida cotiá. Pero agora a súa imaxinación fai que se imaxinen que están nunha casa espacial, preparando comida espacial..

* No Recuncho ARTÍSTICO deixan fluir a súa vena creativa e realizan debuxos, manualidades, composicións... nos que o espazo é o portagonista.

* No Recuncho de CONSTRUCCIÓNS as pezas son empregadas para realizar cousas tan alucinantes coma esta lanzadeira espacial, que ten ata o máis mínimo detalle!

SISTEMA SOLAR: O SOL

Como xa sabedes, dentro do Espazo, agora tocounos centrarnos un pouco no SISTEMA SOLAR, e comezamos polo medio e medio, xusto polo centro, polo "elemento" que lle da o nome... 

O primeiro que fixemos foi colocarnos en pequenos grupos, coller os libros que os pequech@s trouxeron das súas casas, e poñernos a buscar información sobre o sol. Unha vez que a atoparon lemos un mónton de cousas interesantes:

* O sol é unha estrela que brila con luz propia.

* É o centro de sistema solar. 

* En torno a el xiran os planetas. Exerce sobre eles unha forza de atracción, que fai que orbiten ao seu arredor e non se alonxen polo espazo.

* O sol parece parece moito máis grande e máis brillante que as demais estrelas porque se atopa moi preto de nós.

* Visto dende a Terra, o Sol é unha gran bola amarela, pero de preto, a súa superficie é unha gran extensión de gas ardente, na que se producen múltiples explosións que proxectan chamaradas. 

* O Sol está a 150 millóns de Km da Terra (Nun avión a reacción, tardaríamos 17 anos en chegar). Esta distancia é a idónea, xa que non estamos demasiado preto para queimarnos, nin demasiado lonxe para ter moito frío; por ese motivo hai vida na Terra.

* Na súa superfície acádanse os 6.000 ºC, e no seu núcleo 15 millóns de ºC (puxemos o exemplo de que cando no verán con máis de 30 ºC pasamos moita calor, e que a 100ºC ferve a auga e xa nos queima, para que imaxinasen que sería imposible achegarse ao Sol). 

* Non podemos miralo directamente, nin sequera con gafas de sol, xa que "brilla" tanto que nos mancaría os ollos, incluso podería deixarnos cegos.

Comezamos a facer SOL empregando: un globo, unha mestura de cola branca con auga e papel de cociña...

Mañán comprobaremos se secou para pintalo e rematalo!

5º CUMPREANOS MARIÑA!

Hoxe MARIÑA estivo de ANIVERSARIO, nada máis e nada menos que 5 aniños! 

Para celebrar o cumpreanos cos seus compañeiros trouxo un deliciosa trenza, que comemos despois de cantarlle e tirarlle das orellas! Mmm...

MOITAS FELICIDADES MARIÑA!

SISTEMA SOLAR

ANXO CASTRO realizou con axuda da súa familia un SISTEMA SOLAR moi chulo, para o que empregou bolas de pórex de diferentes tamaños pintadas a man e arame para simular que os planetas xiran ao redor do sol, cada un na súa órbita.

Vennos xenial, tanto esta maqueta de Anxo coma a que trouxo Raúl, a semana pasada, para coñecer o Sistema Solar: os 8 planetas que o compoñen, como son, de que están formados, cal é a súa posición con respecto ao sol... Aínda que xa comezamos a explorar un pouco o Sistema Solar, a partir de agora afondaremos máis.

UN QUEBRACABEZAS DO ESPAZO ENORMEEEEE...

Tiñamos moitas ganas de facer o GRAN QUEBRACABEZAS DO ESPAZO que trouxo ANXO CASTRO para o noso recuncho informativo. Como estivo maliño toda a semana pasada, quixemos esperar a que se recuperase para facelo todos xuntos. 

Colocamos todas as pezas, e tomando a imaxe da caixa de referencia fómonos fixando en cada parte que compoñía o quebracabezas para ilo facendo pouco a pouco: buscamos as partes do foguete vermello e dos astronautas, logo o alaranxado, despois buscamos os diferentes planetas (e intentamos recoñecelos pola súa cor, tamaño...) constelacións... ata que conseguimos rematalo. 

É enormeeeeee!

A partir de agora os alumn@s que vaian ao rechuncho de construcción poderan collelo para realizalo, cando lles apeteza.

MOCHILA VIAXEIRA

Hoxe a MOCHILA VIAXEIRA chegou da casa de JONÁS, quen nos estivo contando canto lle gustaran os libros que inclúe: encantoulle a enciclopedia sobre "O río e a lagoa", gozou escoitando o libro-CD de "A nena e o grilo nun barquiño" e gustoulle moito o conto de "Sacapenas". 

No DIARIO Jonás e a súa familia escribiron sobre outro dos seus contos favoritos "DONDE VIVEN LOS MONSTRUOS" que lle axudou a non terlle medo aos monstruos, xa que cando era algo máis pequeno era un tema que o tiña un pouco preocupado.

Alégrome moito que gozaras ao máximo coa mochila!

Agora tócalle a SARA levala durante toda a semana para a súa casa e así poder sacarlle todo o xugo coa súa familia. 

Que libro lle gustará máis?

RECUNCHO DA ESCURIDADE...

O espazo da aula é moi importante para o aprendizaxe, por iso na nosa intentamos aproveitalo para sacarlle o máximo partido. 

Para o noso proxecto sobre o espazo, preparamos un "RECUNCHO DA ESCURIDADE" debaixo da mesa da mestra. Pegamos un anaco de papel continuo branco para proxectar sobre él, xa que entre os diferentes usos que lle iremos buscando, un é poder proxectar as imaxes sobre o espazo da lanterna de MATEO. 

O outro día, os pequech@s estiveron probrándoo: