O ESPAZO: TRANSBORDADOR ESPACIAL

Para coñecer o espazo, nada mellor que "viaxar por el", e para iso non podemos empregar ningún medio de transporte convencional, temos que facelo nun TRANSBORDADOR ESPACIAL, para levar a cabo unha misión de exploración, observación e aprendizaxe, esta será a...

 "MISIÓN FONTIÑAS 2016"

ANXO DOVAL e PEDRO trouxeron TRANSBORDADORES ESPACIAIS. Os dóus era de USA, xa que tiñan a bandeira americana e as súas siglas. Aproveitamos para falar un pouco da NASA, e da súa importancia nas misións espaciais. AROA fixo un COHETE coa súa nai, e XULIA trouxo uns cohetes moi especiais dos que falemos despois.

Observamos varios videos sobre os LANZAMENTOS ESPACIAIS, no que se ve como "lanzan" os transbordadores.

Chamounos a atención que están formados por varias partes: 

* VEHÍCULO ORBITAL, o que se podería coñecer como  orbitador ou nave.

* Dous COHETES ACELERADORES (de combustible sólido), que actúan como propulsores e axundan aos 3 motores da nave.

* Un TANQUE EXTERNO (de cor laranxa, de combustible líquido: hidóxeno e osíxeno líquido).

Os cohetes externos "expúlsanse", sepáranse do resto, antes de entrar en órbita. O tanque xusto antes da inserción orbital.

Nos lanzamentos espaciais para comprobar que todo saia ben, os astronautas están comunicados coa torre de control.

XULIA trouxo unha PLATAFORMA DE LANZAMENTO que probamos no patio cuberto.

E para lanzar e poñer en órbita os cohetes tivemos que iniciar a CONTA ATRÁS:

10, 9, 8, 7, 6, 5, 4, 3, 2, 1... DESPEGUE!

Despois de pasalo xenial lanzando os cohetes, puxémonos a debuxar o TRANSBORDADOR ESPACIAL:

MISIÓN FONTIÑAS 2016... 

INICIADA!