QUEN PETOU NA NOSA PORTA?

Hoxe, pretiño da unha do medio día, cando estabamos gozando dunha sesión de "cine" xunto cos alumn@s de 4 anos B, algo estrano aconteceu...

Petaron na nosa porta! dun xeito forte que nos deixou espectantes... cando abrimos, NON HABÍA NINGUÉN! pero atopamos 2 sacos misteriosos con dous sobres amarrados.

Comezaron as especulacións... quen sería o que petou na nosa porta?

O mellor que podíamos facer para averigüalo era buscar no sobre quen escribía a carta... E sabedes quen era?

O APALPADOR

Si! o Apalpador en persoa "colouse" no noso cole para darnos unha sorpresa.

Puxen "as miñas gafas de ler especiais para o Nadal" e comecei a ler a carta que o Apalpador lles deixou para todos os nen@s de 4 anos A e B.

Na carta o Apalpador explicábanos que non podía parar moito tempo porque está moi atarefado preparando todo para a noite de 24, cando ten que ir por todas as casas dos nen@s galegos para apalparlles a barriguiña e deixarlles unha presa de castañas.

Tamén nos contou un segredo... que estivo escondido no MAGOSTO do noso cole vixiándonos... ohhh!

Despois de ler a carta, abrimos o saco que nos deixou...

Unha bolsa de "gusanitos" e unha moeda de chocolate para cada un... mmm!

MOITÍSIMAS GRAZAS APALPADOR!

Foi un día xenial! A mellor maneira rematar o trimestre e marchar de vacacións de Nadal!