O MISTERIO DAS EIRUGAS

Hoxe as nosas EIRUGAS metéronnos un pequeno susto... Cando fomos a mirar o que acontecera non nos daban as contas:

* A eiruga que onte quedaba colocada xa fixera a CRISÁLIDA, así que coa de hoxe, xa temos 3.

* Pero onte quedaban aínda 3 eirugas, e hoxe so había 1... non daban as contas... onde se meteran?

Pois despois de especular, de intentar buscarlle explicación a ese MISTERIO TAN MISTERIOSO, e pensar que escaparan, fixámonos que efectivamante, marcharan de paseo e estaban colocadas e enganchadas co fío de seda, preparadas para facer a crisálida: unha no alto de todo da marco da porta e a outra no mantel... menudas aventureiras saíron as nosas eirugas que se lles deu por saír de exploración! 

Despois de revelar o misterio, rexistramos a información da observación no noso DIARIO.

Que pasará mañán?