A CASA DO PATRÓN

Hoxe foi un gran día para os pequech@s, porque marchamos de EXCURSIÓN!

Dende que comezou o mes de MAIO, sinalamos este día no nosos CALENDARIO e comezamos a conta atrás... ata que por fin chegou!

Estes días contamos o conto "OS BOLECHAS QUEREN SABER COMO VIVÍA A XENTE DA ALDEA" pois para sabelo, foron Á CASA DO PATRÓN, igual ca nós.

Chegaron ao cole nerviosos e con moitas ganas de arrancar...

As familias despedíronnos, subimos ó bus e puxemos rumbo a Lalín.

Nada máis chegar, recibíronnos Luís e Vanesa, os nosos monitores no día de hoxe.

O primeiro que fixemos fou un taller de barro, no que paso a paso eleboramos unha cunca (como este barro tarda moito en secar, levámolo para o cole e para a semana pintarémolo).

(Co barro que lles sobrou, fixeron un colgante co seu nome)

Tanto traballo abríunos o apetito, así que fixemos un descansiño para repoñer forzas.

Despois fixemos PAN: a señora Lola estaba agardando por nós co forno de leña preparado.

Ensináronnos os grans de millo, de trigo e de cebada. 

Con algo de masa nai, fariña, auga tibia, sal e levadura, fixemos a masa, e despois cada pequech@ amasou o seu boliño.

Ó forno!

(Lembramos cando realizamos o proxecto sobre o millo no primeiro trimestre).

A casa do patrón é un museo no que podemos observar como vivían os nosos antepasados. Despois de realizar os talleres, os nosos monitores comezaron a ensinarnos as diferentes estancias do museo e o que incluían.

Un descansiño para estirar as pernas e gozar deste fermoso entorno natural.

A comer!

Antes de marchar seguimos observando e aprendendo cousas interesantes sobre a vida dos nosos bisavós.

Vimos como eran as casas de antes: cociña, lavabo, camas...

Aprendemos o interesante que é o proceso do liño; como dunha planta obtiñan o fío para tecer as súas roupas. 

PASÁMOLO EN GRANDE!