RECUNCHO INFORMATIVO: CULLARAPOS

Hoxe varios pequech@s trouxeron material relacionado cos CULLARAPOS, para que forme parte do noso RECUNCHO INFORMATIVO. 

* PEDRO trouxo un conto titulado "Había una vez un renacuajo". Lemos o conto que narraba como uns nenos atopaban ovos de ras nunha "charca" e collíanos para ver como medraban e mudaban de forma. Aprendemos unha palabra nova que descoñecíamos: FREZA, os ovos das ras.

* IAGO trouxo unha mochila con forma de ra; coas ancas e todo!

* MATEO trouxo unha ra de peluche e un libro informatico chulísimo, no que podemos ver como é unha ra... por dentro! o seu esqueleto, o corazón, o aparello respiratorio, o dixestivo... hoxe ollámolo un pouco, pero cada día iremos aprendendo cousas moi interesantes.

* ELSA trouxo un xogo no que hay que poñer rás en equilibrio, facendo unhas estructuras cos nenúfares. É moi divertido!

Así quedou o noso RECUNCHO INFORMATIVO: CULLARAPOS. 

Moitísimas grazas por traer todas estas cousas para compartir cos vosos compañeir@s!

PLANTAMOS...

PIPAS DE CABAZA!

Lembrades o taller de cabazas que realizamos no Samaín? Depois de baleiralas e decoralas xunto coas familias, os pequech@s escolleron e separaron pipas que gardamos, e hoxe decidimos facer un SEMENTEIRO para obter pequenas plantiñas de cabaza que logo trasplantareamos ao horto. 

Que precisan as plantas para medrar? Terra, sol e auga. Con estas premisas comezamos:

* Botamos unha pouca terra, engadimos as pipas de cabaza, cubrimos con máis terra. 

* Regámolas.

* Como imos a plantar máis sementes para facer máis sementeriros de diversas plantas, fixemos uns letreiros para indicar o día da plantación e o que plantamos.

* Colocamos o sementeiro preto da fiestra para que lle de a luz do sol.

MAQUETA: ESTANQUE CON CULLARAPOS

Con motivo do novo proxecto de observación que estamos a realizar durante este trimestre sobre os CULLARAPOS, hoxe decidimos realizar unha MAQUETA dun estanque.

Buscamos e observamos imaxes de estanques para inspirarnos, e tamén contamos un conto que trouxo MATEO titulado "GRAN SORPRESA EN EL ESTANQUE"

Por grupos fomos elaborándo a maqueta do noso estanque de cullarapos:

* Un grupo encargouse de darlle cor ao estanque en sí.

* Outro grupo encargouse de facer as plantas.

* E o último  grupo fixo os cullarapos.

Este é o resultado final, que agora forma parte do noso RECUNCHO INFORMATIVO sobre os cullarapos.

NUEVA YORK

Hoxe chegou ao cole unha POSTAL moi especial... Sabíamos que se trataba dunha postal, porque traballamos este formato de correspondencia para conmemorar o día de Rosalía de Castro, no que cada pequech@ enviou unha postal á súa casa.

O primeiro no que nos fixamos foi a imaxe da cidade que tiña a postal; de que lugar se trataba? A foto era de... NEW YORK! 

Quen nos podía enviar unha postal dende Nova York? Pois a TEACHER PATRI, a nosa mestra de inglés, que hai máis de dous meses marchou a realizar un curso formativo de perfeccionamento do idioma.

"Ola ne@s!

Son eu, a profe Patri.

Como sabedes estou vivindo en Nova York,

unha cidade moi bonita de U.S.A. Regresarei a Santiago moi pronto.

Como estades? Espero que estedes ben!

Mándovos unha aperta forte!

Quérovos!!! Bicos."

Casualmente a cidade de Nova York está nun pais que xa coñecemos do noso proxecto sobre o espazo: ESTADOS UNIDOS (U.S.A.); lembramos que era un dos paises máis importantes en canto a misións espaciais, entre elas a do Apolo 11, levada a cabo por Armstrong, Aldrin e Collins.

Buscamos U.S.A. no mapa, e situamos a cidade de Nova York. 

Proxectamos imaxes de varios lugares destacados desta cidade:

* Falamos dos seus RAÑACEOS, edificios tan altos que por eso reciben ese nome, xa que parece que tocan o ceo.

* Observamos a emblemática rúa de TIMES SQUARE, chea de luz cos seus anuncios de publicidade e con moitos taxis de cor amalera, tan característica.

* A PONTE DE BROOKLYN, unha das varias que conecta a cidade.

* E a mundialmente coñecida ESTATUA DA LIBERDADE.

Moitas grazas a Patri por enviarnos a postal, que ademais de servirnos para ter noticias dela e saber que voltará pronto, tamén nos valeu para coñecer un pouquiño sobre a cidade de Nova York.

DEICA PRONTO TEACHER PATRI!

CULLARAPOS: Reconto

Xa sabedes que antes de marchar de vacións, ANXO CASTRO trouxo á clase CULLARAPOS, que espertaron unha gran espectación. A magoa foi que ao atoparnos co axetreo do final do trimestre, non lle puidemos prestar toda a atención desexada, nin tampouco os coidados precisos, xa que marchamos de vacións... Eses cullarapos foron liberados!

Pero a familia de Anxo, tivo a amabilidade de coller máis cullarapos e traérnolos hoxe ao cole, para así poder comezar un pequeno PROXECTO de observación para aprender un pouco sobre o proceso de metamorfose das ras. 

O primeiro que fixemos foi intentar "pescalos" para poder cambialos de recipiente e saber cantos cullarapos había. A verdade e que non era nada doado, xa que nadaban rápido e escapaban do coador (ferramenta que empregamos pra pescalos sen mancalos).

A medida que pescábamos un cullarapo, engadíamos unha "boliña" no prato para logo facer facilmente o reconto.

PESCAMOS: 14 Cullarapos!

Pero todavía quedaban máis... para contar cantos quedaron sen pescar valeiramos a auga despacio e con moito tino, dun recipiente a outro, pasándoa polo coador, e a medida que caían cullarapos, faciamos o reconto; empregando o mesmo sistema: engadindo boliñas no prato.

NON PESCAMOS: 49 Cullarapos!

Observamos os pratos e comparámolos para ver en cal había máis e en cal menos: pescamos menos e quedaron sen pescar máis!

Por último, fixemos o reconto final, para saber cantos cullarapos que trouxo Anxo.

TOTAL de Cullarapos: 63 (14+49)

* Na MOCHILA VIAXEIRA hai un libro moi especial na que aparecen estes animaliños: "O RÍO E A LAGOA" (que xusto hoxe puidemos observar debido a que Mariña trouxoa de volta da súa casa).  

* Os que teñades na casa algún material realcionado cos cullarapos ou as rás, podedes traelo ao cole: libros, contos, fichas informativas, imaxes, bonecos...

MOCHILA VIAXEIRA: MARIÑA

A MOCHILA VIAXEIRA chegou hoxe da casa de MARIÑA, que tivo o pracer de gozar coa lectura de todos os libros que alberga no seu interior.

Os libros que máis lle gustaron a Mariña foron os 3 seguintes:

* O audio-libro de "A NENA E O GRILO NUN BARQUIÑO", así que con axuda da súa nai, Iria, realizaron esta fermosa ilustración.

* Para o libro de "MARCOPOLA" Antía, a irmá de MAriña, fíxolle este debuxo.

* Pero o seu favorito foi "SACAPENAS". Mirade que bonecos sacapenas tan chulos elaboraron.

O mellor da mochila viaxeira, ademáis de fomentar a lectura, é reunir a toda a familia en torno a ela!

Esta semana a MOCHILA VIAXEIRA marcha para a casa de ANXO DOVAL.

VOLTA AO COLE!

REMATAN AS VACIÓNS DE PASCUA!

Hoxe toca deitarse cedo porque mañán hai que...

VOLVER AO COLE!

Desexo que aproveitárades ao máximo estes días de descanso para afrontar a recta final deste curso.

Espéranos un trimestre cheo de novas aprendizaxes, centos de aventuras, risas, momentos divertidos e felices, experiéncias máxicas... 

DEICA MAÑÁN!

BENVIDA PRIMAVERA!

Hoxe o ceo luciu de cor gris, cheo de nubes e con algunha que outra gotiña de choiva. Aínda que non o pareza, hoxe chegou a...

Esperemos que a partir de agora o tempo mellore e sexa acorde á nova estación que estreamos hoxe, para que os pequech@s poidan desfrutar ao máximo das súas merecidas vacacións de Pascua.

FELIZ PRIMAVERA!

27000 VISITAS!

Incrible... en pouco tempo superamos as 27000 visitas. XENIAL!

E todo grazas a vós!

A mellor recompensa ao meu traballo é saber que este blog serve para achegarvos o día a día dos pequech@s ás vosas casas.

DESPEDIDAS...

Hoxe era un día especial por varios motivos, que tiñan que ver coas DESPEDIDAS!

* Despedimos o 2º TRIMESTRE que hoxe remataba dando paso ás vacacións de PASCUA.

* E despedimos aos nosos "mestres en prácticas": ESTEBAN e ZAIDA.

Tanto os pequech@s, como as mestras, tivemos o pracer de compartir o seu período de prácticas, no que se involucraron ao 100%. Entraban con un sorriso contaxioso cada día, con ganas de aprender e de traballar.

Conectaron moito cos pequech@s que hoxe estaban apenados pola súa marcha, e quixeron facerlle unhas TARXETAS DE DESPEDIDA.

Zaida e Esteban tamén lle tiñan preparada unha pequena FESTA SORPRESA, para facer a despedida máis doce.

Dende aquí quero darlle as grazas aos dous pola súa total implicación e axuda e mostrarlle a miña pena porque teñan que marcharse ca que se me fixo curta a experiencia e encantaríame telos con nós ata o remate do curso. Sodes estupendos! 

Moitísima sorte na vosa carreira! E voltade cando queirades de visita que as nosas portas estarán sempre abertas!

SAÍDA: MIRADOR DE FONTIÑAS

Sabendo que o bo tempo en Santiago non dura moito, hoxe aproveitamos que as nubes aínda non traían choiva, para realizar unha pequena saída ao MIRADOR DE FONTIÑAS.

Saímos do cole e comezamos a camiñar... e a medida que subíamos cara o mirador, localizamos o noso cole: o edificio de primaria, e o noso, o de infantil.

A nosa primeira parada foi para tomar o "aperitivo" de media mañán.

Cal é a finalidade dun mirador? Pois poder gozar das súas vistas. Así que collimos os prismáticos para podes ver todavía mellor e máis de preto: o barrio de fontiñas (tod@s intentaban buscar a súa casa), área central, as cancelas, a policía autonómica, o cole, as torres da catedral... 

Despois xogamos un pouco na parte de arriba de todo.

Ata nos fixamos en diferentes sinais que nos fomos atopado polo camiño: o de prohibido beber-auga non potable, o de prohibido levar cans soltos...

E de volta ao cole. Dende o areeiro fixámonos no camiño e nas paradas que realizamos horas antes.

Pasámolo xenial!