COUSIÑAS VARIAS!

Hoxe IAGO trouxo varias  cousas curiosas para ensinarnos:

O seu avó Ricardo (que tivemos o praceer de coñecer cando fomos á súa casa na nosa visita do millo), preparoulle un ASUBIOTE moi especial cun pao. Cando Iago o fixo soar, todos quedaron abraiados! O avó Ricardo é un auténtico manitas!

Tamén trouxo unhas FOTOS nas que está traballando na terra, axudando ao seu avó a plantar patacas. Iago explicounos que estivo preparando a terra, botando as patacas, o mineral... Ata nos ensinou unha foto na que sae o seu irmán Lucas no tractor, xa que Iago díxonos que a el o tractor non lle gustaba moito.

E o prato forte... 2 TRITÓNS!

Encantounos poder ver de preto estes animaliños, que teñen en común algo coas ras: son ANFIBIOS! Viven na auga e na terra. 

Buscamos os tritóns nun dos libros, que precisamente trouxera Iago, sobre os animais; e tamén nun libro que trouxeron os de 4 anos B, pois invitámolos a vir a velos tritóns á nosa aula.

Observamos os dous tritóns e buscamos semellanzas e diferenzas:

* Ambos teñen unha cor similar.

* O tamaño varia: un máis gordo e outro máis fraco.

* As barrigolas de cor alaranxado e con pintiñas.

Comparámolos co noso cullarapo que xa ten as 4 patas, e puidemos ver que teñen varias cousas en común:

* O número de patas.

* A forma da cabeza.

* A cola.

Durante a mañán, levamos un pequeno susto, pois o tritón máis gordiño, "foi de paseo" e apareceu preto do rato do ordenador.

Moitas grazas por traer todas estas cousas para mostrárllelas aos teus compis.